Xa temos o documento de inscrición para o noso CAMPUS DE VERÁN 2018. Podédelo descargar picando Aquí
Unha vez cuberto e asinado, hai que envialo ao seguinte email do club: coa seguinte documentación:
FOTOCOPIA CARTÓN SANITARIO
FOTOCOPIA DO INGRESO REALIZADO
FOTOGRAFÍA DE CARNET
Aos poucos iremos deixando máis información sobre as actividades que temos preparadas, tanto culturais, como deportivas.
OS ESPERAMOS!!!!!
Seguimos presentando o noso I CAMPUS VERÁN 2018. NARÓN FREIXO – LSA.
Xa podemos mostrarvos a programación completa de todas as actividades que imos realizar durante toda a semana. Dependendo das actividades, os horarios poden sufrir modificacións.
Esperamos e desexamos que sexa de voso agrado. Seguimos traballando para conseguir unha experiencia única e multidiscliplinar que poida repetirse ano tras ano.
Moitas grazas a todos pola gran acollida que está a ter e animámosvos a realizar a vosa inscrición e lembrámosvos que a data límite é o 30 de xuño.
Puedes descargar a programación pinchando aquí
QUEDAN POUCAS PRAZAS!
Seguimos presentando a oferta cultural e deportiva das actividades que imos levar a cabo no noso I CAMPUS VERÁN 2018.
Propoñémosvos percorrer as beiras do río Xuvia, ao longo dun paseo de 6,5 km. A súa paisaxe idílico que forma a vexetación e o río xunto a presas, muíños e pontes fan deste paseo unha experiencia para compartir.
O río Xuvia é un dos lugares naturais máis pintorescos de Narón, que nos seus últimos tramos bordea o Monte dos Ancos e alárgase ao chegar á Presa do Rei, que era a que abastecía de auga á Real Fábrica de Moeda de Xuvia.
As fragas das beiras do Xuvia forman un ecosistema único, alternando as húmidas marismas de Chao de Doso e Pedroso, cos treitos da Presa do Rei. Este percorrido recrea todos os sentidos, grazas á súa variada vexetación e o reflexo da mesma na auga. Formada por carballos, castiñeiros, avelairas, chopos, fresnos, ameneiros, salgueiros, acacias e unha serie de arbustos entre flores silvestres, como a melisa e os fentos, ofrécenos unha flora variada e única, como é o caso das marismas de Pedroso, onde brota o liño algodonoso, especie en vías de extinción na Península.
Cada recuncho é unha sorpresa, desde a presa dos antigos muíños de Fabián ou as de Rueda nos muíños de Gradaílle, ata o remanso de Borracáns e a presa do muíño de Ponte de Xuvia.
Para os amantes dos animais este paseo tamén nos convida a observar os corzos que pastan e beben na marxe do río, raposos e jabalíes que baixan desde os montes de Pereiruga e unha enorme variedade de aves e animais acuáticos, sen contar insectos e bolboretas.
Seguimos presentando a oferta cultural e deportiva das actividades que imos levar a cabo no noso I CAMPUS VERÁN 2018.
O Xoves día 12 de xullo, en horario matinal, levará a cabo unha visita guiada polas instalacións do Arsenal Militar de Ferrol que incluirá un bautismo de mar nun dos Remolcadores da Armada Española. Durante o bautismo, poderemos contemplar de preto o Castelo de San Felipe e o Castelo da Palma, situados na canle da entrada da Ría de Ferrol. O castelo de San Felipe foi construído no século XVI. Na ría, como se mencionou anteriormente atópase o castelo da Palma e o castelo de San Martín (do que apenas se poden apreciar hoxe unhas ruínas), ambos no municipio de Mugardos. Entre o castelo de San Martín e o castelo de San Felipe tendíase unha grosa cadea no mar que impedía a entrada dos navíos inimigos á ría de Ferrol.
O castelo de San Felipe foi unha prisión para soldados. A finais dos anos setenta xa practicamente non tivo labor militar algún. En setembro de 1996 Defensa anunciou a saída a poxa por un total de 164.900.000 pesetas. Tras quedar deserta a poxa, finalmente foi adquirido no ano 2000 polo Concello de Ferrol por 165.000.000 de pesetas, o cal é o propietario actual.
