A pasada fin de semana desprazouse ata Atenas unha pequena delegación da nosa sección de  Kickboxing para participar no  Athens  Challengue 2019,  Open pertencente ás series mundiais de  Wako.

 Os competidores Paula e Iker Villar Sánchez acompañados polo seu adestrador Rubén Villar participaron na devandita competición sendo esta a primeira internacional para a Sección de  kickboxing do NARON FREIXO.

 O balance foi bo xa que Paula de 17 anos de idade, volve con dúas medallas de bronce nas modalidades de  kicklight e  lightcontact categoría  junior (16 a 18 anos) +65 kg e unha de prata que sabe a pouco en  kicklight, en categoría  senior (19 a 40 anos) -70kg xa que o criterio do equipo arbitral prexudicou a Paula.

 Pola súa banda Iker Villar volve cunha medalla de bronce en  kicklight categoría cadete menor -42 kg e queda ás portas das medallas en  pointfight -47kg pasando a rolda de oitavos e perdendo en cuartos por 2 puntos cun neno italiano con moita máis experiencia. A resaltar no caso de Iker que debutou a pasada semana en competición e que este foi o seu primeiro campionato internacional.

 Gran bagaxe para os nosos que competiron nun dos mellores campionatos a nivel mundial.

A pasada fin de semana desprazouse a nosa sección de kickboxing a Salamanca para a súa primeira competición. Para disputar o IV Open Cidade de Salamanca pertencente á liga Last Round. O resultado foi estupendo xa que Paula Villar Sánchez conseguiu dous ouros nas modalidades de kicklight e lightcontact en categoría junior +65 kg.

Os outros tres membros do club debutaban en competición, así Borja Branco Lestayo conseguía a medalla de bronce en kicklight en categoria senior -79 kg e quedaba apeado en cuartos de final na modalidade de lightcontact por un competidor salmantino con moitísima experiencia que foi elixido como mellor competidor do open.

Iker Villar Sánchez cadete menor de -45 kg quedou eliminado en cuartos de final na modalidade de pointfight e tras ir por diante no marcador durante todo o combate o seu rival empatou no último segundo, isto causou que se fixese un extraround de 1 minuto no que Iker perdeu.

En lightcontact Iker gañou a súa pelexa de cuartos de final clasificándose para semis pero unha indisposición retirouno da competición volvéndose para casa cunha medalla de bronce. Jhon Salgues Dá Silva perdeu as súas pelexas en kicklight e lightcontact en categoría cadete maior -52 Kg ante rivais con moita máis experiencia pero plantándolles cara en todo momento, mesmo na modalidade de kicklight foi por diante no marcador no inicio do combate.

Esta semana compiten Iker e Paula no open de Wako Athens Challengue pertencente ás world series.