FINALISTAS

O NARON FREIXO terá mañá dous finalistas no Campionato de España de Selexcions na categoria Benxamin, al impoñerse no partido de hoxe o combinado Galego ó de Extremadura por un contundente 8-2.

Despois de un bo comezo dos nosos que abrían o marcador nos primeiros instantes de partido, os extremeños acadaban o empate. Pero os Galegos querian xogala final e comenzaron a dominalo partido, ata rematalo con seis goles de diferencia.

Gran actuación de Ruben na porta, acompañado de Diego, que no dia de hoxe sí conseguía perforala rede do equipo contrario.

Gran futbol dos galegos, que se plantan na final contra Andalucia, o domingo as 11:30 horas.

Noraboa e moita sorte 

CAMPEONATO DE SELECCIONES AUTONOMICA FUTBOL SALA – CATEGORIA BENJAMIN

A selección galega de Futbol Sala en categoría Benjamin apura as horas para o seu debut no Campionato de España, que lle enfrontará á selección de CASTELA LEÓN ás 19:30 horas de hoxe venres.

Os nosos pequenos, RUBEN PIÑÓN e DIEGO LÓPEZ, preparados para dar o mellor de si neste debut. Desde o Club NARÓN FREIXO, desexámoslles moita sorte tanto neste primeiro partido, como ao longo da competición.

24ª XORNADA LIGA AUTONÓMICA GALLEGA

Este venres, o equipo COMARCAL A FERVENZA, disputa o partido máis importante da tempada contra o MOSTEIRO BEMBRIVE no PAVILLÓN da GÁNDARA, ás 21:30 horas do venres 31 de marzo.

As xogadoras locais chegan coa posibilidade de ser campioas de Liga Galega. Aínda quedan tres xornadas por disputarse na competición, pero ambos os equipos chegan invictos a este choque e empatados a puntos no máis alto da táboa. No partido da primeira volta, o marcador final foi de empate a catro, nun partido intenso, dominado pola Fervenza que chegou a ir cun 1 – 4 ao seu favor, pero que as xogadoras do MOSTEIRO lograron empatar nos últimos minutos.

Desde o club A FERVENZA, convídannos a todos a «UNIRNOS POLO SOÑO DA liga», algo que supoñería o ascenso á categoría NACIONAL, un éxito para un club da nosa Comarca en beneficio de todo o deporte local.

ENTRADA GRATUITA

ANIMO FERVENZA

CAMPEONATO  PROVINCIAL BENJAMIN PROVICIA A CORUÑA 2016-2017

Só unha semana despues de proclamarse campión de Liga, o noso equipo benjamin comeza a loita polo Provincial para o que se clasificaron o CLUB DO MAR «A» (A Coruña), o ALTO DO VENTO PULPSAL e AMIO S.D. (ambos de Santiago) e S.D.C.R. NARON FREIXO (Ferrol).

Os emparellamentos quedaron da seguinte forma:

1 SEMIFINAL: S.D.C.R. NARON FREIXO – ALTO DO VENTO PULPSAL

2 SEMIFINAL: AMIO, S.D. – CLUB DO MAR «A»

Desde o club, queremos facer un chamamento a toda a familia do FREIXO, para que acuda este SÁBADO 1 DE ABRIL ás 19:15 HORAS ao PAVILLÓN DAS LAGOAS, para animar ao noso equipo benjamin, adestrado por NANI para que poidan sacar un bo resultado de cara ó partido de volta en terras Santiaguses que se disputará o día 22 de abril.

PRESI: JUAN REY. ADESTRADOR; NANI.DELEGADO: SANTI.XOGADORES: DIEGO CASTRO, RUBEN PIÑON, DANIEL BARROS, IAGO ROZADOS, MATEO PITA, SERGIO TAJES, CARLOS GONZÁLEZ, DIEGO LÓPEZ, JAVIER VAZQUEZ y DIEGO REY.

CAMPIONS DE LIGA BENXAMIN 2016/2017 FERROL

O equipo BENXAMIN A de a S.D.C.R. NARÓN O FREIXO dirixido por NANI, proclamouse CAMPIÓN DE LIGA NA CATEGORÍA BENXAMIN DE FERROL no día de hoxe, ao liquidar o partido de trámite da última xornada.

O partido de hoxe, comezaba con tres chegadas consecutivas dos xogadores do Freixo, que non conseguían materializar e, despois dun par de contras, eran os locais, os que conseguían subir o primeiro tanto ao marcador.

Con todo, os pequenos do Freixo nunca se dan por vencidos e apertando un pouquiño máis, lograban o empate á saída dun corner e, antes de que chegase o descanso, poñíanse por diante.

Cumprido o obxectivo, a segunda parte foi un mero trámite. Os xogadores de NANI, tiveron o partido controlado en todo momento e mesmo, puideron deixar sentenciado en numerosas ocasións; con todo, o balón non quería entrar e o reloxo corría cara ao final cun marcador apertado e os nervios na bancada e na pista non permitían un xogo fluído. De todos os xeitos, as finais non se xogan, gáñanse e iso foi o que fixeron os pequenos do Freixo.

Coa bucina final, desatouse a alegría no pavillón das LAGOAS.

PARABÉN AOS CAMPIÓNS.

PRESI: JUAN REY. ADESTRADOR; NANI. DELEGADO: SANTI. XOGADORES: DIEGO CASTRO, RUBEN PIÑON, DANIEL BARROS, IAGO ROZADOS, MATEO PITA, SERGIO TAJES, CARLOS GONZÁLEZ, DIEGO LÓPEZ, JAVIER VAZQUEZ y DIEGO REY.

O equipo brilou durante toda a tempada e realizou un gran campionato. Despois dunha primeira fase previa, con cinco vitorias e un empate; os benxamíns, metían a cabeza no primeiro grupo para conseguir un total de nove vitorias e dous empates e converterse en CAMPIÓN e único equipo invicto da categoría Benxamíns do NARÓN FREIXO, que demostraron unha vez máis, que as pequenas escolas seguen facendo un gran traballo e poden competir de ti a ti, cos grandes equipos da Comarca.