Este fin de semana, os leóns subiron ao bus para desprazarse a Asturias para xogar o III Torneo Vila de  Aviles.

Pero non todo é fútbol, se o deporte é importante, a educación e a cultura, o son máis, así que, tocaba dar un repaso aos libros. Pero nun fin de semana tan longo, hai tempo para todo.

Chegada a  Aviles, primeiro partido e presentación de equipos. Un partido máis e a repoñer forzas na comida.

Pola tarde, máis partidos e a afección, a mellor do Torneo sen dúbida,  sempre animando e apoiando aos leóns.

Nun Torneo fóra de casa, o mellor é a convivencia do equipo, e esta vez, tocaba durmir todos xuntos. Unha experiencia inesquecible para os pequenos e unha noite moi longa, onde non pode faltar a guerra de almofadas.

O domingo, dous partidos máis pola mañá e tempo para todo. Grazas a Santi  Cazorla pola  disponbilidad e amabilidade coa que atendeu aos nenos que se achegaban para sacar unha foto con el. UN  CRACK dentro e fora dos terreos de xogo.

Rematado o Torneo, un balance moi positivo. Experiencia inesquecible, tanto para os máis pequenos como para as súas familias que gozaron dun fin de semana espectacular en terras Asturianas.

A viaxe de volta fíxose duro, ata  Dybala estaba esgotado.

AUPA FREIXO!!!

Finalizando a tampada, os máis peqenos, disfrutaron dun Torneo de Convivencia celebrado en NEDA. Aquí temos unhas cantas fotos que reflexan o ben que o pasaron tanto os nenos, coma as súas familias.

O domingo 10/06/2018 o infantil A participou no torneo de Neda. Quedamos encadrados no grupo co Neda A ,Portuarios A. As Pontes e Olímpico.

Non tiveron moita sorte os nosos infantís; no primeiro partido contra o Portuarios , antes do primeiro minuto….tiro ao pau dos nosos que se marcha fora e a continuación un tiro deles rebota nun defensa e nada pode facer o noso porteiro a pesar de que nun esforzo grande case consegue sacar o balón. O gol non quería entrar e que se repite a situación 8 min máis tarde e encaixamos o segundo gol, despois de enviaar de novo o balón ao traveseiro. Segundo partido contra o olímpico e sós diante do seu porteiro non acertamos a marcar e eles na única aproximación márcannos o 1-0 que sería o resumo final deste partido. Así as cousas 2 partidos e 2 derrotas. Chegamos ao terceiro partido contra os locais do Neda A, e temos ata 3 ocasións claras de gol que non acertamos, resultado final 0-0. Chegamos ao acrto partido do grupo contra As Pontes e novamente despois de ter unha clara ocasión e non acertar….márcannos na seguinte xogada. Aínda así o equipo non baixou os brazos, pelexando e dándolle a volta ao partido para gañalo finalmente por 2-1. En resumo, un bo torneo que de estar medianamente acertados cara ao gol metémonos/metémosnos en semifinais…..

A seguir traballando. Vamos Freixo!!!!!.

O sábado 09/06/2018 o “ Prebenxamín A” participou en Neda no “IX Torneo Homenaxe a Erico Pereira”:

No primeiro partido de grupo, xogaron contra o As Pontes, os nenos fixeron un bo enocontro, estiveron moi concentrados e gañaron 2-0. No segundo partido do día, contra O Val, tamén se xogou ben, e ante un bo rival fíxose un partido moi serio e gañouse de novo por 2-0.

Grazas a estes resultados clasificáronse para as semifinais como primeiros de grupo. A semifinal, contra o Neda, equipo organizador, foi un partido de moitos nervios e aínda que O Freixo púxose por diante, o Neda, a falta de tres minutos para acabar conseguiu empatar, así que o pase á final decidiuse a penaltis; o Freixo marcou os tres da súa quenda (moi ben tirados os tres) e o noso porteiro conseguiu eter un dos do Neda, clasificándose así para a final.

Na final, contra o Viveiro, a pesar de ter ocasións ao principio do partido, non se conseguiu marcar, e o Viveiro (que fixo un torneo sobresaliente) aos poucos foise impoñendo, aínda que O Freixo mostrouse competitivo en todo momento, os nenos nunca deron o partido por perdido e tiveron algunha ocasión, o resutado foi de 0-3 a favor do Viveiro, que se proclamou campión do torneo, obtendo O Freixo o subcampeonato.

Parabén aos Subcampións, polo gran torneo realizado !!!!!!!!!!!