NARON FREIXO – O PARRULO BENXAMIN

Adiantada a última xornada de liga na categoría Benxamin, os nosos pequeños do Freixo enfrontábanse ao Parrulo, nun duelo que, ía dicir o liderado e deixaba ao vencedor a un paso do título.

ADESTRADOR; NANI. DELEGADO: SANTI. XOGADORES: DIEGO CASTRO, RUBEN PIÑON, DANIEL BARROS, IAGO ROZADOS, MATEO PITA, SERGIO TAJES, CARLOS GONZÁLEZ, DIEGO LÓPEZ, JAVIER VAZQUEZ y DIEGO REY.

O partido, non defreudó. A diferenza do partido de ida que terminou con empate a cero no marcador, nesta ocasión, os goles estaban por chegar.

Os primeiro minutos foron de tenteo e a igualdade reinaba na pista; con todo, nun lanzamento desde media distancia, o porteiro local non consegue facerse co balón que acaba chegando ao fondo da rede. Con todo, os locais non se foron abaixo, todo o contrario e en tres minutos conseguiron darlle a volta ao partido, primeiro despois de un rexeite que o xogador local manda a mesma escadra e despois, era o porteiro visitante o que non era quen de atallar o esférico, para chegar ao descanso por diante con dous tantos a un.

O comezo da segunda parte, foi moi similar ao da primeira. Dous equipos moi igualados, loitando por chegar ás áreas, con todo, ningún conseguía finalizar con éxito a ocasións creadas e os porteiros, acababan impoñéndose. Con todo unha xogada de contragolpe local, conseguía poñer distancia e práticamente sentenciar o partido a falta de seis minutos.
 

Pero en partidos con tanta igualdade, nada se pode dar por pechado ata o final e a falta dun minuto, os visitantes conseguían acurtar distancias e poñer o 3 a 2 final.

Un gran paso para o equipo benxamín do FREIXO, que lle deixa nunha posición de privilexio, aínda que lle obriga a gañar o último partido para proclamarse campión de Liga.

CAMPIONATO GALEGO DE SELECCIONES LOCAIS

A selección de Ferrol de futsal, na categoría benxamin, acadou o título de campiona galega de seleccións locais no día de hoxe, tras impoñerse na semifinal, nun partido moi igualado a selección de Lugo por un axustado 2-1 que daba o paso os departamentais, a final ante a selección de Coruña.

O Freixo, contaba coa representación dun trío de ases:  Os porteiros DIEGO CASTRO OTERO e RUBEN PIÑON SANZ e DIEGO LOPEZ MORALES que, a postre foi elexido mellor xogador do torneo.

A final, foi moi disputada e a igualada foi a nota dominante en todo momento. Comenzaba mandando no electrónico os rapaces de Ferrol, que conseguían chegar o descanso con ventaxa pola mínima cun gol o principio do encontro. Na segunda mitade, os Coruñeses acadaban o empate a un e tiñamos que agardar ata os minutos finales para que os ferrolanos conseguisen o tanto da victoria.

Dende a nosa sociedade, queremos dar a NORABOA os campions que hoxe acadan o premio ó esforzo. Disfrutade do día rapaces.