O pasado fin de semana, tivo lugar o Torneo de Convivencia da categoría Alevin, disputado en Río Seco. Os dez equipos que disputaron a liga no grupo 21 de Ferrol, competían polo Trofeo de Copa nas instalacións Municipais de Narón.

Ás 10.00 horas, comezaba a rodar o balón sobre o céspede natural de Río Seco, dividido en dous campos de fútbol – 8. Por diante, un total de quince partidos de 25 minutos, para chegar á entrega de Trofeos, prevista para as 20:00 horas.

Finalizada a fase de grupos, quedaba para a tarde os enfrontamentos directos.

Os partidos de cuartos de final, non deparaban sorpresas e as semifinais disputaríanas os catro primeiros da liga, sendo os emparellamentos GALICIA DE CARANZA – EF. RACING DE FERROL “ C” e SDCR. NARON O FREIXO – CD AS PONTES

No campo 1, o Galicia de Caranza gañaba o seu partido cun claro 4 a 1, non dando opcións aos alevíns o Racing de Ferrol “C” que quedaban ás portas da final. Gran tempada a deste equipo, non esquezamos que son xogadores de primeiro ano de Alevín e semifinalistas de Copa e terceiros no grupo 21 de Liga.

O outro favorito, os xogadores da  SDCR NARÓN O FREIXO, disputarían un partido moi igualado contra os alevíns do  CD AS PONTES que se  decidia por un solitario gol.

A esperada final entre o GALICIA DE  CARANZA e a  SDCR NARÓN O FREIXO, un “desquite” do partido que decidiu a liga no Municipal de  Caranza e, ao cabo, tamén se ía decidir cun solitario gol para os xogadores do Freixo. Despois dun partido moi igualado, con ocasións para ambos equipos, un saque de esquina a falta dun minuto, era rematado á rede por  Pipe. O gol chegaba no tramo final do partido e non deixaba reacción para os xogadores do Galicia de  Caranza.

Desde a  SDCR NARÓN O FREIXO, queremos felicitar a todo o público asistente ao esta xornada de  conviencia polo ambiente festivo vivido nas bancadas durante toda a xornada, así como a todos e cada un dos integrantes dos dez equipos que disputaron o Torneo, en especial ao finalista, o Galicia de  Caranza, ao que desexamos moita sorte no Campionato Provincial que se celebrará o próximo 19 de maio.

Por último, quédanos felicitar ao equipo  alevin da  SDCR NARÓN FREIXO:  RUBEN, IKER, MARTIN,  PIPE,  OLI,  JAVI, IVAN, DIEGO,  GABRI,  KEKO, BRUNO, DANI e  SERGIO, ao seu adestrador MARCOS OTERO e ao seu delegado ALBERTO  PEREZ e, desexarlles sorte no Campionato Provincial. Un broche de ouro a unha excepcional tempada na que conseguen un dobrete, levantando o título de Liga e o de Copa.

PARABÉN

O Narón Freixo, proclámase campión de Liga na categoría Alevin. Os xogadores de Marcos Otero, conseguiron o pase ao primeiro grupo, despois dunha primeira fase perfecta, onde obtiveron dez vitorias en dez partidos.

Clasificados como primeiros de grupo, quedaban dezaoito xornadas por diante nas que hai que demostrar regularidade para chegar ao final con opcións. E así o fixeron os alevíns do Freixo. Despois da primeira volta, o trío de cabeza tomaba distancia dos seus perseguidores e todo presaxiar que, a vitoria neste grupo ía ser cousa de tres.

Na segunda volta da liga, quedaba claro que, os tres equipos de cabeza serían os que chegarían ao final con opcións. Na antepenúltima xornada, cos alevíns do Racing de Ferrol un pouco descolgados dos dous primeiros postos, enfrontábanse Galicia de Caranza e Narón Freixo nun partido que, decidiría o Título da categoría.

Partido moi disputado entre ambos os equipos, o cal se decidiría cun solitario gol de KEKO para os do Freixo que, ao cabo daríalles os tres puntos e practicamente sentenciaban a liga. Quedaban dous partidos por diante e os xogadores de Marcos non tiñan pensado deixar pasar a oportunidade.

Un merecido título de liga, despois dunha excelente tempada nun equipo formado por, nove xogadores de segundo ano e catro de primeiro ano que renderon a un excelente nivel e conseguiron formar un bloque moi sólido.

Parabén e mención especial a tres xogadores do NARÓN FREIXO que, coa consecución deste título na categoría alevín, conseguen unha fazaña ao alcance de moi poucos. Se xa é difícil gañar un campionato, máis difícil é conseguir ser campións en categoría Prebenxamín,  Benxamín e Alevín.

O sábado, 12 de maio, desde as 10:00 horas, celebrarase no Estadio Municipal de Río Seco, o Torneo de Convivencia  en categoría Alevín fútbol – 8.
Entre os equipos participantes, estarán os seguintes:
Galicia de Mugardos “ B”,  Numancia de Ares, Galicia de  Caranza, As Pontes, Cedeira, Eume “ B”, Racing de Ferrol “ C”, Ou  Val “A”, Ou  Val “ B” e Ou Freixo “A”.
A competición, levará a cabo en dous grupos que disputarán catro partidos de 25 minutos cada un desde as 10:00, ata as 14:30. Finalizada a fase de grupos, os catro primeiros de cada un, comezarán a disputar as eliminatorias de Cuartos, Semifinais e a Final, que terá lugar ás 19:30 horas. Os dejamos el calendario pinchando aquí 
Como club organizador, animámosvos a pasar polo Estadio Municipal de Río Seco, a gozar dunha xornada de convivencia no fútbol base.