Categoría: Portada
CAMPUS NARON O FREIXO VERANO 2018
A SDCR NARÓN O FREIXO, xunto con LSA presentan un completo CAMPUS para esté verán 2018. Non te perdas do 9 ao 14 de Xullo unha experiencia multidisciplinar que engloba dende o fútbol a visitas culturais, outras actividades deportivas e xornadas con profesionais do fútbol inglés.
Esta semana, subiremos o formulario de inscrición á nosa web, así como máis información sobre as actividades deportivas e culturais. Non fagas plans do 9 ao 14 de xullo, non te podes perder esta experiencia.
VI TORNEO ED XUVENTUDE OROSO
O xoves, xornada festiva en Galicia, a familia do Narón Freixo desprazouse a SIGUEIRO para xogar o VI TORNEO ED XUVENTUDE OROSO, nas categorías PREBENXAMIN e BENXAMIN.
Os pequenos que adestra JORGE, todos de primeiro ano na categoría, conseguiron pasar ás semifinais do Torneo despois dunha vitoria e unha derrota, aínda que non conseguiron chegar á final. Gran Torneo o disputado polos nenos, pero o máis importante, unha xornada de convivencia de todo o equipo, onde todos os familiares gozaron dun día festivo, cunha temperatura primaveral.
En canto aos benxamines, cun empate e unha derrota, non conseguiron a clasificación para as semifinais e accederon aos partidos de consolación, conseguindo gañar a semifinal e a final. Bo Torneo o disputado polos leóns e, do mesmo xeito que os máis pequenos, unha xornada para gozar do futbol e da familia nun día festivo e cunha temperatura inmellorable.
TORNEO CATEGORIA BIBERON.
O xoves 17 de maio, os máis pequenos da familia do Freixo, gozaron dun día de Convivencia en Cedeira. Para todos ou a gran maioría, o seu primeiro Torneo de fútbol campo, gozando dun día de primavera. Os primeiros pasos no mundo do fútbol para estes pequenos e por diante, moitos máis Torneos. Esperamos e desexamos que gozasen a experiencia.
CAMPIONATO GALEGO SELECCIÓNS COMARCAIS FUTBOL SALA. CATEGORIA BENXAMIN
Gran actuación da selección de Ferrol de fútbol sala en categoría Benxamín no Campionato Galego de Seleccións, disputado en Mondoñedo. Aínda que non conseguiu meterse na Final, acabou o campionato invicta despois de empatar no primeiro partido con Lugo a dous goles. O segundo rival era a selección da Coruña, ante a que os xogadores departamentais conseguiron a vitoria por sete goles a dous. No terceiro partido contra Santiago, un empate a un, non era suficiente para clasificarse para a final e era a selección de Lugo a que accedía a ansiada final contra a selección de Vigo
, sendo finalmente a selección de Vigo a campiona do Torneo.
Felicitar a todos os xogadores participantes, en especial aos tres benxamines do NARÓN FREIXO que tiveron unha destacada actuación no Campionato.
PARABÉN