Categoría: Portada

DOUS OUROS E OITO BRONCES PARA A NOSA SECCIÓN DE KICKBOXING EN LAREDO

O pasado día 29 de febreiro cinco dos nosos competidores desprazáronse á localidade cántabra de Laredo para participar na primeira sede da liga nacional Road to Glory. Alí medíronse a outros equipos de parte da xeografía española volvendo cun total de dez medallas.

IKER VILLAR SÁNCHEZ fíxose co ouro na modalidade de pointfighting e o bronce en kicklight e lightcontact na categoría cadete menor -47kg.

JHON SALES DÁ SILVA pelexou na modalidade de lightcontact nun peso superior ao seu -63kg ao non ter rival obtendo un bronce moi traballado e en kicklight en -57kg conseguindo o mesmo resultado, todo iso na categoría junior.

PAULA VILLAR SÁNCHEZ gañou a modalidade de kicklight junior -70kg e obtivo a medalla de bronce en kicklight senior -70kg e en lightcontact junior -70kg aínda que nesta decidiu non pelexar a semifinal para poder chegar ben ao Grand Champion de kicklight (sen límite de idade nin peso a partir de 16 anos e 60 kg) onde finalmente caeu en primeira rolda aínda facendo un bo combate.

ADRIÁN IGLESIAS FERNÁNDEZ pelexou en lightcontact senior -63kg e no Grand Champion masculino de kicklight -69kg conseguindo dous bronces do mesmo xeito que o seu irmán RUBÉN IGLESIAS FERNÁNDEZ que o fixo en kicklight senior -63kg e o Grand Champion de kicklight -69kg.

Bos resultados para a nosa sección na que foi a súa terceira semana seguida de competición, pero non a última xa que este fin de semana tres dos nosos deportistas (Paula, Rubén e Adrián) estarán pola mañá en Miño nunha concentración para a formación do equipo autonómico que representará a Galicia no campionato de España. Pola tarde oito dos nosos competidores participarán no torneo de tatami Costa Ártabra que se celebrará na mesma localidade con entrada gratuíta a partir das catro da tarde e xa pola noite a partir da dez haberá unha velada onde o noso campión galego de lowkick e kicklight Rubén Iglesias pelexará sobre o ring na modalidade de lowkick e o peso pactado de 64kg. Parabén a todos e sorte para esta fin de semana.

RESUMEN XORNADA 29.02.2020 – 01.03.2020

Último fin de semán de febreiro, despois do descanso no fin de semán do Antroido, volta as competicións locais e rexionais dos nosos equipos, tanto no fútbol como no fútbol sala e continúan os adestramentos das seleccións. O mércores, 4 de marzo, a selección galega femenina SUB-12 de fútbol, convoca a AITANA VELLÓN CARRASCOSA para o adestramento que terá lugar as 17.30 horas nas instalacións de USC de Santiago de Compostela. Así mesmo, a xogadora do FREIXO, repite convocatoria o venres, o ser convocada para un adestramento coa selección Alevín de fútbol sala.

PARABÉNS!!

 

Aitana Vellón Carrascosa

Na xornada do fin de semán, os máis pequenos da casa, continúan dando os primeiros pasos nunha competición, coa Liga dos biberóns, nesta xornada tocaba partido contra os biberóns do Parrulo. Xa nas Ligas locais, destacan os bos resultados dos nosos equipos pre-benxamíns e o bo partido realizado polos benxamíns de Pablo Caaveiro.

 

As competicións de fútbol continúan, xa entramos no mes de marzo e os equipos da S.D.C.R. NARÓN O FREIXO continúan paso a paso nos súas respectivas competicións. Nesta xornada, destaca o bo partido disputado polo noso equipo infantil de Liga Galega que acadaba un valioso empate no Estadio Municipal de Río Seco, frente o Viveiro. Como cada semán, aquí tedes o resto dos resultados da xornada.

CHOIVA DE METAIS PARA A NOSA SECCIÓN DE KICKBOXING

A pasada fin de semana celebrouse no pavillón Paco Paz de Ourense o campionato galego de kickboxing nas modalidades de tatami. Oito dos nosos se desplazarona ata alí obtendo os seguintes resultados:
 
– Bruno Tuñas Rama, bronce en kicklight e lightcontact categoría cadete menor -42kg.
– Iker Villar Sánchez, prata en lightcontact e bronce en kicklight cadete menor -47kg.
– Carla Fraga Testa, bronce en kicklight e lightcontact cadete maior +65kg.
– Jhon Sales Da Silva ouro en kicklight e bronce en lightcontact junior -57kg.
– Paula Villar Sánchez, ouro en lightcontact e prata en kicklight junior -70kg.
– Adrián Iglesias Fernández, prata en kicklight e lightcontact junior -67kg.
– Rubén Iglesias Fernández, ouro en kicklight e prata en lightcontact senior -63kg.
– Borja Blanco Lestayo prata en kicklight e bronce en lightcontact -79kg.
 

Grandísimos resultados os dos nosos competidores neste campionato do que sairá parte do equipo que representará á nosa comunidade autónoma no campionato de España que se celebrará na cidade de Córdoba o próximo mes de xullo. Desexámoslles moita sorte para esta próxima semana xa que parte deles participarán noutro campionato na localidade cántabra de Laredo nun torneo pertencente á liga Road 2 Glory.

CAMPIONATO GALEGO SELECCIÓNS COMARCAIS SUB-11 E SUB-13

O luns, 24 de febreiro, terá lugar o Campionato Galego de Seleccións Comarcais nas categorías Sub-11 (Fútbol 8) e Sub-13 (Fútbol 11) en Ponteceso e Corme, respectivamente. 

Na categoría Sub-11, os xogadores da S.D.C.R. NARÓN O FREIXO convocados para a disputa do Campionato foron:

DANIEL SANTOS LAGO

AARON OREONA CRESPO

Na categoría Sub-13, os xogadores da S.D.C.R. NARÓN O FREIXO convocados para a disputa do Campionato foron:

JAVIER VÁZQUEZ LÓPEZ

SERGIO BAAMONDE RAMOS

Esperamos e desexamos que disfruten da Competición, así como a nosa máis sincera NORABOA.

O NOSO EQUIPO DE COMPETICIÓN DESPRÁZASE A OURENSE AO CAMPIONATO GALEGO DE TATAMI

Esta próxima fin de semana parte do noso equipo de competición da sección de kickboxing desprazarase de novo á cidade de Ourense para participar no campionato galego nas modalidades de tatami.

O equipo, encabezado polo técnico RUBÉN VILLAR, estará composto polos cadetes menores BRUNO TUÑAS ,debutante en competición, e IKER VILLAR SÁNCHEZ.

CARLA FRAGA TESTA debutará tamén na categoría cadete menor. JHON KLEB SALES DA SILVA e PAULA VILLAR SÁNCHEZ pelexarán en categoría Junior e os irmáns RUBÉN e ADRIÁN IGLESIAS FERNÁNDEZ, xunto con BORJA BLANCO LESTAYO, farano na categoría senior.

Cabe destacar que estes tres últimos competidores da categoría senior proclamáronse a pasada semana campións galegos na modalidade de lowkick no campionato galego de ring.

 

Desexamos a maior das sortes para os nosos competidores e sobre todo que gocen desta experiencia.

Page 2 of 39
1 2 3 4 5 6 39