Categoría: Portada

COMUNICADO S.D.C.R. NARÓN FREIXO

En primeiro lugar, gustaríanos transmitir tranquilidade nestes momentos a toda a familia da S.D.C.R. NARÓN  FREIXO.

O mundo do futbol deu un paso adiante tomando unha medida preventiva extraordinaria para evitar a propagación de COVID-19. A FGF, pola súa banda, SUSPENDEU todos os partidos a nivel autonómico durante os próximos quince días.

A S.D.C.R. NARÓN FREIXO non só apoia a medida, senón que SUSPENDE os ADESTRAMENTOS en todas as súas categorías, tanto en fútbol como en fútbol sala e en Kickboxing ata novo aviso. Así mesmo, instamos a todos os pais e nais a cumprir cos consellos dos profesionais da sanidade para evitar que esta epidemia propáguese e colapse o noso sistema sanitario. É necesario que demostremos responsabilidade social e poñamos o noso granito de area.

Grazas a tod@s pola vosa compresión e colaboración.

 

RESUMEN XORNADA 08.03.2020 – 09.03.2020

Comenzamos unha semán máis coas novas das seleccións. O mércores 11 de  marzo, AITANA VELLÓN CARRASCOSA foi convocada para un adestramento coa Selección Galega Alevín Feminina de Fútbol Sala no Pavillón Municipal de Lameiro, O Pino que comenzará as 18:30 horas e prolongarase ata as 20:00 horas. Unha vez máis, esperamos e desexamos que a xogadora do FREIXO, disfrute desta experiencia. PARABENS!!

Aitana Vellón Carrascosa

Como cada semán, aquí tedes o cadro cos resultados dos nosos equipos no Fútbol Sala.

 

Crónica S.D.C.R. NARÓN O FREIXO – O PARRULO C. CATEGORÍA BENXAMÍN.

 

O Benxamin D de fútbol sala equipo de primeiro ano que está a competir no grupo 1 con grandes resultados, enfrontábase nesta xornada ao outro equipo de primeiro ano que compite no grupo 1, o  Parrulo  C. Nun encontro no que os do Freixo realizaron un gran  partido e conseguiron gañar por 10-1 a un bo equipo que hoxe nada puido facer ante a gran actuación dos nosos.

Forman parte deste Equipo:

Enrique como porteiro
Dani, Iago, David, Carlos, Hugo Martínez, Martin, Hugo García, Carmela e Marco Funcasta.

Estes rapaces están a facer unha gran tempada da man de Vila e Emilio.

 

 

 

 

Seguimos o repaso ó fin de semán cos resultados dos equipos de fútbol da nosa sociedade. Descanso do infantil de Liga Galega e unha nova victoria das rapazas da Liga Galega Promesas, esta vez ante o Silva da Coruña. 

Crónica Galicia de Caranza B  2 – 5 S.D.C.R. Narón Freixo.                                                          

Partido de menos a máis, onde os nosos prebenxamíns lograron unha merecida victoria. A primeira parte foi moi irregular e os nosos xogadores non conseguían  controlar o ritmo do partido nin o dominio do balón, non obstante chegábase  o descanso co marcador de 1 – 1. Na segunda parte, o equipo deu unha imaxe completamente diferente facéndose co partido en todo momento e dispoñendo de varias  ocasións de gol, de ahí que ó final do partido chegarase co resultado de 2 – 5 para o noso equipo. Gran reacción do noso equipo que acabou con moi boas sensacións. Este venres, visita Río Seco o Mugardos, líder invicto e destacado do grupo 1. Moito ánimo para os nosos xogadores.

Forza Freixo!!

 

Liga Gallega Promesas femenina. Silva SD vs S.C.D.R. Narón Freixo.

Nova xornada de liga para as nenas do Narón Freixo, que nesta ocasión visitaban ao Silva. Desde o inicio do partido o dominio por parte do equipo visitante foi moi claro aínda que tardaron en abrir o marcador. O 0-1 foi de man de Aitana. Gran superioridade durante todo o partido por parte das de Narón, que converteron ese dominio en 5 goles: tres na primeira metade de Aitana, por 2 veces e Laura e outros dous de Julia e Aitana de novo na segunda. Un partido moi completo por parte das nenas do Narón Freixo que se manteñen en 4ª posición mellorando en cada partido.

DOUS OUROS E OITO BRONCES PARA A NOSA SECCIÓN DE KICKBOXING EN LAREDO

O pasado día 29 de febreiro cinco dos nosos competidores desprazáronse á localidade cántabra de Laredo para participar na primeira sede da liga nacional Road to Glory. Alí medíronse a outros equipos de parte da xeografía española volvendo cun total de dez medallas.

IKER VILLAR SÁNCHEZ fíxose co ouro na modalidade de pointfighting e o bronce en kicklight e lightcontact na categoría cadete menor -47kg.

JHON SALES DÁ SILVA pelexou na modalidade de lightcontact nun peso superior ao seu -63kg ao non ter rival obtendo un bronce moi traballado e en kicklight en -57kg conseguindo o mesmo resultado, todo iso na categoría junior.

PAULA VILLAR SÁNCHEZ gañou a modalidade de kicklight junior -70kg e obtivo a medalla de bronce en kicklight senior -70kg e en lightcontact junior -70kg aínda que nesta decidiu non pelexar a semifinal para poder chegar ben ao Grand Champion de kicklight (sen límite de idade nin peso a partir de 16 anos e 60 kg) onde finalmente caeu en primeira rolda aínda facendo un bo combate.

ADRIÁN IGLESIAS FERNÁNDEZ pelexou en lightcontact senior -63kg e no Grand Champion masculino de kicklight -69kg conseguindo dous bronces do mesmo xeito que o seu irmán RUBÉN IGLESIAS FERNÁNDEZ que o fixo en kicklight senior -63kg e o Grand Champion de kicklight -69kg.

Bos resultados para a nosa sección na que foi a súa terceira semana seguida de competición, pero non a última xa que este fin de semana tres dos nosos deportistas (Paula, Rubén e Adrián) estarán pola mañá en Miño nunha concentración para a formación do equipo autonómico que representará a Galicia no campionato de España. Pola tarde oito dos nosos competidores participarán no torneo de tatami Costa Ártabra que se celebrará na mesma localidade con entrada gratuíta a partir das catro da tarde e xa pola noite a partir da dez haberá unha velada onde o noso campión galego de lowkick e kicklight Rubén Iglesias pelexará sobre o ring na modalidade de lowkick e o peso pactado de 64kg. Parabén a todos e sorte para esta fin de semana.

Page 1 of 38
1 2 3 4 5 38