Categoría: Noticias del club

CRÓNICA VI TORNEO NARON FREIXO. CATEGORÍA BENXAMÍN

A segunda parte do VI Torneo Narón Freixo, tiña lugar o sábado 14 de setembro. Nun día de moita calor, a cita nesta ocasión era para os equipos de categoría  benxamín.  Desde as 09.00 horas, máis de 50 partidos por diante ata chegar á final, sobre as 21.00 horas.

Durante toda a xornada, as bancadas do Estadio, presentaron un cheo absoluto, animando aos seus equipos, os pais, avós, amigos e familiares, gozaron dunha festa do fútbol base. Máis de 1.200 persoas, volveron dar cita en Río Seco, un éxito sen precedentes, unha tempada máis, para a S.D.C.R. NARÓN O FREIXO.

No plano deportivo, os equipos dividíanse en dous grupos de 8 conxuntos, para dirimir o pase a semifinais. Os dous primeiros clasificados de cada grupo, deixábannos unhas semifinais nas que o Deportivo da Coruña enfrontábase co Galicia de  Caranza e o Celta de Vigo tería como rival ao Ural.

Os equipos do terceiro clasificado ao oitavo, seguían disputando partidos de consolación para decidir o seu posto definitivo entre os 16 participantes.

O Deportivo da Coruña, do mesmo xeito que na categoría alevín, conseguía chegar á final, superando por 4 tantos a 0 a un Galicia de  Caranza que realizou un magnífico campionato, mentres que a segunda semifinal, eran os pequenos do Ural, os que superaban ao  R. C. Celta por 2 tantos a 0.

Na Final, os xogadores do  R. C. Deportivo da Coruña, non daban opción a un Ural moi combativo e conseguían o ansiado Trofeo por 2 tantos a 0. No partido polo terceiro e cuarto posto, era o  R. C. Celta de Vigo o que levaba o gato á auga, deixando cuarto ao Galicia de  Caranza despois de impoñerse por 3 goles a 0.

No plano persoal, quédanos por felicitar ao mellor xogador do Torneo, premio que nesta edición foi para o xogador do Deportivo de A Coruña, HUGO GÓNZALEZ VERGARA e o premio ao mellor porteiro do Torneo, foi parar ás mans do gardameta do Rápido de Bouzas, MATEO RODEIRO TRABAZOS.

Un ano máis, a  S.D.C R. NARÓN O FREIXO, quere agradecer a todos os voluntarios que, traballaron sen descanso para poder ofrecer esta gran festa do fútbol base, así como aos nosos patrocinadores  UNIGRAF, A  ROLDANA,  ACEBRE,  GALP CATABOIS, A  TRASANQUESA, SANTA COMPAÑA…………

Así mesmo, ao  Concello de Narón, á Delegación de árbitros de Ferrol e á Delegación de Ferrol da  FGF, pola súa colaboración nesta VI Edición do Torneo Narón Freixo e polo seu apoio constante ao fútbol de base na nosa comarca.

CRÓNICA VI TORNEO NARON FREIXO. CATEGORÍA ALEVÍN

O sábado, día 7 de setembro, nun día asollado, perfecto para a práctica do fútbol, ás 09.00 horas, comezaba a rodar o balón no Estadio Municipal de Río Seco. Por diante, 64 partidos que nos ían a levar ata máis aló das 22.00 horas. Un total de 20 equipos de categoría alevín, con pequenos nados en 2008 e 2009, farían gozar a un público que, durante toda a xornada, abarrotaba as bancadas dun Estadio que, durante a xornada do sábado, recibiu a máis de 1.200 persoas; desde os xogadores e corpos técnicos, ata o público que se deu cita para gozar dunha xornada maratoniana.

Divididos en catro grupos de cinco equipos, a primeira fase ía levar ata pasadas as 17.00 horas, cun total de 40 partidos, onde os dous primeiros de cada grupo, pasaban a cuartos de final. Así mesmo, os terceiros, cuartos e quintos, disputaría partidos para completar o cadro nos postos finais.

Como cada ano, o alto nivel dos participantes fai que, o pase a semifinais estea cada vez máis complicado. Nesta edición, o primeiro semifinalista sería o Vitoria de  Guimaraes despois de conseguir superar ao equipo Luís Calvo por un 3 a 0 e o seu rival sería o Celta de Vigo, que se impoñía por dous goles a cero ao  C.D. Lugo. A outra semifinal, disputaríana os equipos de Rápido de Neda que apeaba ao  Xuventude de Oroso por un tanto a cero e o Deportivo da Coruña, que conseguía superar ao Ural por tres tantos a cero.

RAPIDO DE NEDA. ALEVIN
R.C. CELTA DE VIGO. ALEVIN

 

Á ansiada final, despois de máis de 12 horas de fútbol, chegaban o Vitoria de  Guimaraes e o Deportivo da Coruña, despois de superar ao Celta de Vigo nos penaltis e ao Rápido de Neda, respectivamente en semifinais. Comezaban marcando primeiro os alevíns do equipo  Portugues, pero na segunda metade, reaccionarían os Coruñeses para dar a volta ao marcador e alcanzar a vitoria por tres tantos a un.

VICTORIA DE GUIMARAES. ALEVÍN
R.C. DEPORTIVO DE LA CORUÑA. ALEVÍN

No plano persoal, quédanos por felicitar ao mellor xogador do Torneo, premio que nesta edición foi para o número 10 do Celta de Vigo, IAGO BARREIROS NIÑEZ e o premio ao mellor porteiro do Torneo, foi parar ás mans do gardameta do Vitoria de  Guimaraes, RODRIGO FARIA  MORAIS.

Un ano máis, a  S.D.C R. NARÓN O Freixo, quere agradecer a todos os voluntarios que, traballaron sen descanso para poder ofrecer esta gran festa do fútbol basee, así como aos nosos patrocinadores  UNIGRAF, A  ROLDANA,  ACEBRE,  GALP CATABOIS, A  TRASANQUESA, SANTA COMPAÑA…………

Así mesmo, ao  Concello de Narón. Á Delegación de árbitros de Ferrol e á Delegación de Ferrol da FGF, pola súa colaboración nesta VI Edición do Torneo Narón Freixo e polo seu apoio constante ao fútbol de base na nosa comarca.

Esperamos e desexamos que, todos os que se achegaron ao Estadio Municipal de Río Seco, gozasen dunha tarde de festa e de fútbol. Emprazámosvos para seguir gozando deste deporte, o sábado 14 de setembro coa celebración do Torneo en categoría Benxamín. Grazas a  tod@s.

HOMENAXE A JORGE “NANO”

JORGE LÓPEZ MÉNDEZ, máis coñecido como Jorge “Nano”, empezou a súa carreira deportiva no Estrela con 11 anos en categoría infantil. Aos 16 anos, ficha polo Racing de Ferrol, disputando tres tempadas en categoría xuvenil en División de Honra, xogando o primeiro ano fase de ascenso a sub-19.

Con 16 anos, foi seleccionado para a concentración da pre-selección española, realizada en Madrid e forma parte da selección galega sub-16 que representa a España no Munidalito celebrado en Venezuela.

Realizando a pretemporada co primeiro equipo do Racing de Ferrol durante catro tempadas, é cedido ao Somozas para disputar dúas tempadas en categoría senior, unha vez finalizada a súa etapa xuvenil.

No ano 1.997, ficha polo Narón Balompé Piñeiros, en categoría senior (segunda rexional), conseguindo un ascenso a primeira rexional na primeira tempada e a preferente na segunda tempada.

Na tempada 99-2000 dá o salto a terceira división, fichando polo Viveiro.

Unha tempada despois, na 2000-2001 volve para o Narón Balompé Piñeiros, ata 2011-2012. O primeiro ano forma parte da plantilla que consegue o ascenso a Terceira división, onde xoga 9 tempadas na categoría, descendendo a preferente na tempada 2009-2010 e voltando a conseguir o ascenso a terceira na seguinte tempada, 2010-2011.

En 2011-2012 ficha en terceira división polo As Pontes, xogando 4 tempadas na categoría volvendo recalar no Viveiro durante a tempada 2016-2017 en Preferente.

Na tempada 2017-2018, ficha polo Mugardos en primeira rexional onde xoga as súas últimas dúas tempadas, ata a 2018-2019 na que forma parte do equipo que consegue o ascenso a Preferente, gañando Liga e Copa de Ferrol.

Un referente no fútbol de Ferrol Terra, con 31 tempadas ás súas costas, decide colgar as botas aos seus 42 anos, despois de toda unha vida dedicada a este deporte, onde chegou a formar parte da selección de Ferrol e selección Galega en todas as categorías de base.

A día de hoxe, continúa formando aos pequenos futbolistas que empezan a dar os seus pasos, na S.D. C. R. NARÓN O Freixo, onde leva xa 6 tempadas como adestrador de fútbol basee.

Desde a S.D.C.R. NARÓN O Freixo, esperamos e desexamos que o xoves día 8 de agosto, sexa un día inesquecible para un futbolista, adestrador, compañeiro e amigo, que deixou pegada no fútbol de Ferrol Terra durante máis de 30 anos e que estamos seguros que, seguirá ligado ao mundo do fútbol durante moitos anos máis, adestrando aos futbolistas que son o presente e o futuro do noso fútbol local e rexional.

Moitas grazas pola túa dedicación, constancia e traballo.

Page 1 of 17
1 2 3 4 5 17