Categoría: Noticias

DOUS OUROS E OITO BRONCES PARA A NOSA SECCIÓN DE KICKBOXING EN LAREDO

O pasado día 29 de febreiro cinco dos nosos competidores desprazáronse á localidade cántabra de Laredo para participar na primeira sede da liga nacional Road to Glory. Alí medíronse a outros equipos de parte da xeografía española volvendo cun total de dez medallas.

IKER VILLAR SÁNCHEZ fíxose co ouro na modalidade de pointfighting e o bronce en kicklight e lightcontact na categoría cadete menor -47kg.

JHON SALES DÁ SILVA pelexou na modalidade de lightcontact nun peso superior ao seu -63kg ao non ter rival obtendo un bronce moi traballado e en kicklight en -57kg conseguindo o mesmo resultado, todo iso na categoría junior.

PAULA VILLAR SÁNCHEZ gañou a modalidade de kicklight junior -70kg e obtivo a medalla de bronce en kicklight senior -70kg e en lightcontact junior -70kg aínda que nesta decidiu non pelexar a semifinal para poder chegar ben ao Grand Champion de kicklight (sen límite de idade nin peso a partir de 16 anos e 60 kg) onde finalmente caeu en primeira rolda aínda facendo un bo combate.

ADRIÁN IGLESIAS FERNÁNDEZ pelexou en lightcontact senior -63kg e no Grand Champion masculino de kicklight -69kg conseguindo dous bronces do mesmo xeito que o seu irmán RUBÉN IGLESIAS FERNÁNDEZ que o fixo en kicklight senior -63kg e o Grand Champion de kicklight -69kg.

Bos resultados para a nosa sección na que foi a súa terceira semana seguida de competición, pero non a última xa que este fin de semana tres dos nosos deportistas (Paula, Rubén e Adrián) estarán pola mañá en Miño nunha concentración para a formación do equipo autonómico que representará a Galicia no campionato de España. Pola tarde oito dos nosos competidores participarán no torneo de tatami Costa Ártabra que se celebrará na mesma localidade con entrada gratuíta a partir das catro da tarde e xa pola noite a partir da dez haberá unha velada onde o noso campión galego de lowkick e kicklight Rubén Iglesias pelexará sobre o ring na modalidade de lowkick e o peso pactado de 64kg. Parabén a todos e sorte para esta fin de semana.

CHOIVA DE METAIS PARA A NOSA SECCIÓN DE KICKBOXING

A pasada fin de semana celebrouse no pavillón Paco Paz de Ourense o campionato galego de kickboxing nas modalidades de tatami. Oito dos nosos se desplazarona ata alí obtendo os seguintes resultados:
 
– Bruno Tuñas Rama, bronce en kicklight e lightcontact categoría cadete menor -42kg.
– Iker Villar Sánchez, prata en lightcontact e bronce en kicklight cadete menor -47kg.
– Carla Fraga Testa, bronce en kicklight e lightcontact cadete maior +65kg.
– Jhon Sales Da Silva ouro en kicklight e bronce en lightcontact junior -57kg.
– Paula Villar Sánchez, ouro en lightcontact e prata en kicklight junior -70kg.
– Adrián Iglesias Fernández, prata en kicklight e lightcontact junior -67kg.
– Rubén Iglesias Fernández, ouro en kicklight e prata en lightcontact senior -63kg.
– Borja Blanco Lestayo prata en kicklight e bronce en lightcontact -79kg.
 

Grandísimos resultados os dos nosos competidores neste campionato do que sairá parte do equipo que representará á nosa comunidade autónoma no campionato de España que se celebrará na cidade de Córdoba o próximo mes de xullo. Desexámoslles moita sorte para esta próxima semana xa que parte deles participarán noutro campionato na localidade cántabra de Laredo nun torneo pertencente á liga Road 2 Glory.

O NOSO EQUIPO DE COMPETICIÓN DESPRÁZASE A OURENSE AO CAMPIONATO GALEGO DE TATAMI

Esta próxima fin de semana parte do noso equipo de competición da sección de kickboxing desprazarase de novo á cidade de Ourense para participar no campionato galego nas modalidades de tatami.

O equipo, encabezado polo técnico RUBÉN VILLAR, estará composto polos cadetes menores BRUNO TUÑAS ,debutante en competición, e IKER VILLAR SÁNCHEZ.

CARLA FRAGA TESTA debutará tamén na categoría cadete menor. JHON KLEB SALES DA SILVA e PAULA VILLAR SÁNCHEZ pelexarán en categoría Junior e os irmáns RUBÉN e ADRIÁN IGLESIAS FERNÁNDEZ, xunto con BORJA BLANCO LESTAYO, farano na categoría senior.

Cabe destacar que estes tres últimos competidores da categoría senior proclamáronse a pasada semana campións galegos na modalidade de lowkick no campionato galego de ring.

 

Desexamos a maior das sortes para os nosos competidores e sobre todo que gocen desta experiencia.

GRANDES RESULTADOS DOS NOSOS COMPETIDORES NO CAMPIONATO GALEGO DE RING

 Esta pasada fin de semana catro dos nosos deportistas pertencentes á sección de kickboxing participaron no campionato galego de ring que se celebrou na cidade de Ourense.
 Os resultados do campionato foron excelentes, sobre todo tendo en conta que tres deles eran debutantes sobre o ring.
 Rubén Iglesias Fernández proclamouse campión galego na modalidade de lowkick 63,5 kg, gañando na final ao que era o campión galego nese peso e modalidade o pasado ano 2019, o seu irmán Adrián Iglesias Fernández, gañou o campionato na modalidade de lowkick 67 kg, ambos debutaban sobre o ring. O outro debutante, Unai García Conchado volveu co título de subcampión galego de fullcontact 63,5 kg. Borja Blanco Lestayo proclamouse campión galego na modalidade de lowkick 81 kg.
 

 
 
 

O NOSO EQUIPO DE KICKBOXING ESTREA TEMPADA NO CAMPIONATO GALEGO DE RING

Esta próxima fin de semana parte do noso equipo de competición acompañados polo seu adestrador RubénVillar Díaz, partirá rumbo a Ourense para participar no campionato galego de ring.

Os competidores que representarán ao noso club na cidade das termas serán Rubén Iglesias Fernández, o seu irmán Adrián Iglesias Fernández e Borja Blanco Lestayo na modalidade de lowkick e Unai García Conchado na modalidade de fullcontact.

Isto non é máis que o principio da tempada para a nosa sección de kickboxing xa que durante as próximas semanas estará de campionato en campionato do cal seguiremos informando.

Como sempre desde o club mandamos o noso apoio incondicional aos nosos deportistas e desexámoslles que gocen unha vez máis da experiencia.

Page 1 of 5
1 2 3 4 5