Categoría: CRONICAS FUTBOL CAMPO

FASE ASCENSO LIGA GALLEGA. BURELA – S.D.C.R. NARÓN FREIXO. PARTIDO DE IDA

Despois de conseguir o dobrete, alzándose coa Liga e a Copa de Ferrol, os infantís da S.D.C.R. NARÓN FREIXO, disputaban o domingo o partido de ida que dá opción a conseguir o ascenso a Liga Galega. O rival, O Burela, S.D.

No campo sintético da Maroxa, ás 12.30 horas comezaba o encontro de ida. Partido disputado de poder a poder entre ambos os conxuntos que buscan o ascenso directo.
Comezaba o encontro e os locais saían coas ideas moi claras, balón longo e esperar segunda xogada e no primeiros dez minutos tiveron dúas ocasións claras, a primeira, entrando pola banda esquerda e centro ao segundo pau, pero o remate sacábao Marcos cos pés e na segunda, pola dereita, de novo centro ao segundo pau e unha vez o porteiro visitante conseguía facerse co balón nunha nova intervención.

Con todo os visitantes conseguiron facerse co balón e empezaron a inquietar a meta local. Primeiro nun corner ao segundo pau, o balón cae a Berto que de espuela tenta un remate en área pequena, pero un defensor consegue sacar debaixo da línea de gol; na seguinte xogada, era David Pardo o que, dentro da área non conseguía bater ao porteiro local e nun segundo remate, de novo un defensor enviaba a saque de esquina o seu remate na mesma liña. O lanzamento do córner despexado pola defensa, deixaba o balón ao borde da área para que aparecese Keko e cunha espectacular bolea, enviase o balón ao fondo da portería local. Corría o minuto 24 de partido e os visitantes conseguían adiantarse no marcador e o que é moi importante nestas eliminatorias, marcar un gol fóra de casa.

Con todo, pouco durou a alegría dos naroneses. Nunha xogada por banda dereita, un novo centro ao segundo pau controlado por Adrian Fernández coa perna zurda e rematando ao pau dereito de Marcos onde nada pode facer para evitar o empate. Descanso na Maroxa e as espadas en todo o alto para a segunda metade.
Os infantís da S.D.C.R. NARÓN FREIXO, saíron dispostos a desfacer o empate e nada máis empezar a segunda parte, David Pardo gaña un balón en carreira ás costas da defensa, pero o seu disparo sae rozando o poste esquerdo da meta local e na seguinte ocasión cando se cumpría o minuto seis da continuación, de novo o dianteiro visitante, esta vez en xogada persoal, consegue escapar da marca dos dous centrais e na área, bate de disparo cruzado ao meta local, subindo o un a dous ao marcador.
Con todo os xogadores locais non viñeron abaixo e seguiron co seu xogo de balóns longos, aínda que empezaron a dominar un pouco máis o medio campo, así chegaron un par de ocasións nas que Marcos se tivo que empregar a fondo, cos pés nunha ocasión a remate ao borde da área e nunha boa palomita despexando a saque de esquina na seguinte, para asinar unha excelente actuación.

Os naroneses puideron pechar o partido nunha xogada por banda esquerda, onde a triangulación entre David Pardo e Keko, con centro deste último ao segundo pau, pero Adrian Ramallo atopábase en fóra de xogo e na seguinte xogada, eran os locais os que entrando por banda dereita, superaban á defensa visitante e un disparo desde o borde da área moi axustado á escuadra esquerda, superaba a boa estirada de Marcos e subía o empate ao marcador.
Cando parecía que o partido se pecharía con empate, un balón recolleito por Yago Martínez en tres cuartos de campo, cun forte disparo poñía o balón lonxe do alcance do porteiro visitante e subía o terceiro para os locais.


Gran encontro o disputado na Maroxa na mañá do domingo, con vitoria dos locais por tres tantos a dous, pero un gran resultado para os infantís do Freixo, para a volta que se disputará o vindeiro domingo, día 26 ás 12.00 horas no Estadio Municipal de Río Seco.

Non podemos pechar este artículo, sen dar as grazas a toda a familia da S.D.C.R. NARÓN FREIXO que foi a Burela no autobus e nos seus vehículos particulais a animar e apoiar os nosos infantis. MOITAS GRAZAS os esperamos o domingo 26 en Río Seco.

ALINEACIONES:

BURELA, S.D: 83. SANTIAGO CASAL, 26. RAFAEL CANCELOS, 29 IVAN MASEDA, 36. ADRIAN FERNANDEZ, 40. MATEO BALSEIRO, 43. YAGO MARTINEZ, 44. ALEJANDRO GAYOSO, 45. JOSE M. GUTIERREZ, 46. HUGO LESTEGAS, 47. FERNANDO YANES, 63. PABLO MENDEZ. SUPLENTES: 7. YAGO ARES, 31. PABLO BALSEIRO, 33. FRANKLIN ROBERT OLAYA, 35. ALEIXO GARCIA, 79. DIEGO LOZANO.

S.D.C.R. NARÓN FREIXO: 1. MARCOS RODRIGUEZ, 4. ALBERTO HERMIDA, 5. ISMAEL LÓPEZ, 10. IVÁN PÉREZ, 14. FELIPE MARTÍNEZ, 15. ANXO GRANDAL, 17. SERGIO PRADOS (KEKO), 18. BRUNO GONDAR, 20. DAVID PARDO, 22. ADRIAN RAMALLO, 24. DAVID RODRÍGUEZ. SUPLENTES: 7. GABRIEL CIOCCA, 8. ÁNGEL DEZA, 11. DIEGO ARIAS, 16. OLIVIA SAAVEDRA. 25. IKER VALLES.

LIGA LOCAL INFANTIL. XORNADA 9ª. GRUPO 3ª.

O venres, 15 de febreiro, ás 17:30 horas, o equipo infantil “A” de a S.D. C. R. NARÓN FREIXO, desprazouse á Gandara para disputar ante o Racing de Ferrol “B”, o partido correspondente á Novena xornada do grupo terceiro, encontro que pechaba a primeira volta.

O partido comezou cun Freixo moi ben asentado no campo, querendo o balón e con presión alta. Froito deste dominio inicial, un balón longo, recólleo David Pardo despois de que o defensa do Racing despexase sobre o seu corpo, para plantarse só diante do porteiro racinguista e báteo cunha vaselina coa esquerda para conseguir adiantar ao seu equipo aos cinco minutos.

Pouco máis que destacar no primeiros corenta minutos, nun partido moi disputado, co balón no medio campo, cos dous equipos querendo xogar e sometendo a unha gran presión ao equipo rival, pero moi poucas chegadas ás áreas, chegando ao descanso sen máis disparos entre os tres paus.

A segunda parte comezou do mesmo xeito que acabou a primeira, cos dous equipos moi ben colocados no campo e loitando cada balón. Aos seis minutos da continuación, un corner que pon na área Lucas Castro, non é despexado en primeira instancia pola defensa visitante, aínda que se pediu unha máis que posible falta, e o balón chégalle no segundo pau a Nicolás Vilariño que cun disparo bombeado, consegue subir o empate ao marcador. Nada puido facer Iker, o porteiro do Narón Freixo e o empate sobe ao marcador. Un a un e quedaba por diante toda a segunda metade.

Os infantís do Freixo non viñeron abaixo e conseguiron facerse co balón cunha presión aínda máis adiantada. Con Isma xa no medio campo e Iván repartindo xogo, o dominio era maior e ao Racing custáballe cada vez máis saír xogando. O partido discorría sen ocasións claras, un remate de cabeza a un saque de esquina e un balón entre liñas ao que o dianteiro do Freixo chega moi forzado e remata fóra. Con todo, no minuto 23 da segunda parte, un balón centrado desde a banda esquerda, chega a David Pardo na frontal da área e consegue desfacerse de varios xogadores locais e o seu remate coa perna esquerda, cóase pegadito ao poste dereito da portería local despois de tocar nun defensor. Desde ese instante e ata ao final, o Racing tivo máis posesión, pero os infantís do Freixo, moi ben colocados no campo, non concederon ningunha ocasión clara. Nos últimos minutos, un disparo desde a frontal da área, é atrapado arriba por Marcos con moita seguridade.

Tres puntos para a S.D. C. R. NARÓN FREIXO que lle permiten seguir na parte alta da clasificación con 21 puntos compartindo liderado co Galicia de Caranza “B”.

ALINEACIÓNS.
Racing de Ferrol “B”. Adrian Bouzas, Martin Hernaez, Yago Picado, Pablo Rodriguez, Anxo Rendón, Axel López, Jorge Rodriguez, Lucas Martinez, Pablo Vega, Lucas Castro, Nicolas Vilariño. Suplentes. Sergio Vázquez, Daniel Barran, Carlos Morandeira, Juan Rodriguez e Anton rial.
S.D.C.R. Narón Freixo “A”. Marcos Rodriguez, Isamel Lopez, Gabriel Ciocca, Angel Deza, Javier Vazquez, Ivan Perez, diego Arias, Diego Lopez, David Pardo, David Rodriguez, Nicolas Rivas. Suplentes. Iker Valles, Felipe Martinez, Anxo Grandal, Sergio Prados, Bruno Gondar.

Goles. 0 – 1. David Pardo. Minuto 5, 1 – 1. Nicolas Vilariño. Minuto 46. 1 – 2. David Pardo. Minuto 63.

CRONICA NARON FREIXO B – RAPIDO DE NEDA ALEVINS

NARON  O FREIXO B – RAPIDO DE NEDA (ALEVIN)

Estadio de Municipal de Neda, Sábado 14 de Novembro de 2015

Rematada a oitava xornada da fase previa, o equipo de Alevíns B do Freixo, prácticamente asegurase una praza no segundo grupo e incluso, mantén posibilidades de meterse entre os tres primerios e conseguir colarse no primeiro gurpo coma un dos dous mellores terceiros.

Seguir leyendo “CRONICA NARON FREIXO B – RAPIDO DE NEDA ALEVINS”

CRONICA S.D.C.R NARON FREIXO “A” – GALICIA DE CARANZA PREBENXAMIN

S.D.C.R NARON FREIXO “A” – GALICIA DE CARANZA (PREBENXAMIN)

Estadio de Rio Seco, Sábado 7 de Novembro de 2015

A oitava xornada do grupo A, enfrontaba en Río Seco aos prebenxamíns do Freixo, contra os do Galicia de Caranza, nun encontro controlado de principio a fin polos xogadores locais. Despois duns minutos de tenteo e con moito xogo no medio campo, os locais conseguían adiantarse no marcador, no minuto nove por medio de Dani.

Seguir leyendo “CRONICA S.D.C.R NARON FREIXO “A” – GALICIA DE CARANZA PREBENXAMIN”

Page 1 of 2
1 2