Esta próxima fin de semana seis dos nosos deportistas da sección de kickboxing participarán no II Open Ciudad de Gandía acompañados polo seu adestrador Rubén Villar.

O equipo de competición estará formado por Borja Blanco Lestayo, Jhon Kleb Sales da Silva, os irmáns Paula e Iker Villar Sánchez e os debutantes en competición e tamén irmáns Paula e Francisco Fernández Carreras.

Desde o noso club queremos desexarlles sorte e que gocen deste gran evento que rolda as 500 inscricións.